64 катакли шашка: имконияти чекланган болалар ўртасида Ўзбекистон чемпионати старт олди

09:22 14 Май 2022 Спорт
249 0

Наманган шаҳрида 64 катакли шашка бўйича ихтисослаштирилган давлат таълим муассасаларининг кўтиш қобилияти чекланган ўқувчилари ўртасида Ўзбекистон чемпионати бошланди.

Мусобақада Қорақалпоғистон Республикаси, Тошкент шаҳри ва вилоятлардан келган ихтисослаштирилган давлат таълим муассасаларининг ўқувчи ёшлари иштирок этмоқда.

Мусобақани ўтказишдан асосий мақсад имконияти чекланган ўқувчиларни пара шашка спорт турига жалб қилиш орқали соғлом турмуш тарзини шакллантириш, пара шашка спорт турини оммалаштириш ва уни янада ривожлантириш ҳамда халқаро мусобақаларга саралаб олишдан иборат.

Мусобақа якунида ғолиб ва совриндорлар ташкилотчилар томонидан совғалар билан тақдирланишади.

Ўзбекистон чемпионати баҳслари 17 майга қадар давом этади.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер