«Ўғлимнинг жонсиз танасини бўлса ҳам бир бағримга босиш умидидаман» — Ота 2 ҳафта аввал каналга чўкиб кетган ўғлини ҳамон қидирмоқда

Ижтимоий тармоқларда Ёзвон туманининг Бўтқачи қишлоғида яшаган навқирон ёшдаги Абдулазизни Катта Фарғона каналига чўкиб кетгани билан боғлиқ хабарлар кенг тарқалмоқда. «Халқ сўзи» мухбири қидирилаётган боланинг отаси билан суҳбатлашди.
Маълум бўлишича, 2020 йилнинг 22 декабрь куни икки таниши ҳамроҳлигида бўлган вояга етмаган Абдулазиз исмли йигит баъзи сабабларга кўра, кийимларини ечиб Катта Фарғона каналига тушган ва чўкиб кетган. Вилоят фавқулодда вазиятлар, ИИБ бошқармаси ва бошқа ҳуқуқни муҳофаза қилувчи идоралар қутқарув гуруҳи томонидан бир неча кунлик қутқарув ишлари ҳозирча натижа бермаяпти.
«Россияда ишлаб келаётган эдим. Ширин дийдор умиди алам ва изтиробга айланди. Ҳуқуқни муҳофаза қилувчи идораларга раҳмат. Ҳаво қаттиқ совуқ бўлишига қарамай, боламни туну кун излашяпти. Ўғлимнинг жонсиз танасини бўлса ҳам бир бағримга босиш умидида қайиқда ўзим ҳам қидирув ишларида қатнашяпман», деди унинг отаси Абдуҳошим ака.
Фарғона вилояти ИИБ ахборот хизмати раҳбари Исмоил Шариповнинг маълум қилишича, айни кунларда Катта Фарғона каналининг 10 та туман ҳудудидан ўтган 150 километр қисмида қидирув-қутқарув ишлари давом этмоқда. Бу ҳолат юзасидан вояга етмаган шахснинг бедарак йўқолганлиги бўйича қидирув эълон қилинган.
Б. Мадиёров,
«Халқ сўзи»
Тавсия этамиз
Кўп ўқилганлар
- 23 ёшли йигит ўқишга кира олмаганини яшириш учун 4 кишини ўлдирди. Уларнинг барчаси оила аъзолари
- «Фариданинг икки минг қўшиғи» фильми белгиланган вақтда юборилмаганлиги сабаб «Оскар»да қатнашмайди
- Ўқувчилар ўртасида математика бўйича «Қўқон олимпиадаси» ўтказилади. Ғолибларга «Нексия» ва «Кобальт» берилади
- Ибн Сино ҳақмиди? Олимлар Италиянинг Жильо ороли аҳолисида орасида бирорта ҳолатда коронавирус қайд этилмаганига изоҳ берди
- Фарғонада 19 яшар қизни зўрлаган уч эркак ҳақидаги хабарларга муносабат билдирилди
- Тошкентда селфига тушиш учун поезд устига чиққан болани 27 минг вольт ток урди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг