Фарғонада қарийб 10 минг қути акциз маркасиз тамаки маҳсулотлари савдосига чек қўйилди
Бош прокуратура ҳузуридаги Департаментнинг Ўзбекистон тумани бўлими ва Божхона бошқармаси ходимлари ҳамкорлигида тезкор тадбир ўтказилди, деб хабар бермоқда Иқтисодий жиноятларга қарши курашиш департаменти.
Унда айтилишича, ўтказилган тезкор тадбир давомида тамаки маҳсулотларининг ноқонуний савдоси билан шуғулланиб келган фуқаро О.А. фуқаро С.Н.га умумий баҳоси 125,9 миллион сўмлик чет элда ишлаб чиқарилган жами 9 минг 880 қути акциз маркасиз тамаки маҳсулотини сотишга келишган.
Шундан сўнг, келишилган тамаки маҳсулотларини унинг автомашинасига ўтказаётган вақтида тезкор тадбир ходимлари томонидан ашёвий далиллар билан қўлга олинган.
Ҳозирда мазкур ҳолат юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда муомалага киритиш ёки ишлаб чиқариш) билан жиноят иши қўзғатилиб, тергов ҳаракатлари бошлаб юборилган.
Тавсия этамиз
Кўп ўқилганлар
- «Бунёдкор» мураббийи Сергей Арсланов вафот этди
- Ўзбекистонда доллар курси пастлади
- Қондаги глюкозани пасайтириш учун кечки овқатланишнинг идеал вақти маълум бўлди
- Сардобанинг сири нимада?
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Бухоролик докторант ниманинг эвазига Президент совғаси – автомобилга эга бўлди?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг