Франция пойтахтида ўтказилаётган ёзги Олимпиада ўйинларида ўзбек спортчилари ўз юришларини давом эттирмоқда.

Дзюдочиларимиз бугун аралаш жамоавий дастурда ўз иштирокларини давом эттиришди. Ҳамюртларимиз 1/4 финалда Италияга ютқазгач, бронза учун ўтиш баҳсида Жанубий Корея терма жамоасига қарши кураш олиб боришди ва 2:4 ҳисобида ютқазиб қўйди.

Дастлаб, татамига чиққан Гулноза Матниёзова -70 кг вазн тоифасида Ким Жисуни иппон билан мағлуб эта олди. Италияга қарши баҳснинг сўнгги секундларида ютқазган, Парижда энг ёмон формасини кўрсатаётган Давлат Бобонов Ли Ён Хванга ютқазиб, мутлақо ўзини ёмон кўрсатди.

-70 кг вазн тоифасида татамига чиққан Ирисхон Қурбонбоева Ким Ха-Юнга ютқазди. Париж Олимпиадаси совриндорлари Алишер Юсупов ва Ким Минджон тўқнаш келди. Юсупов бу баҳсда жуда ёмон ҳаракат қилди ва ютқазиб қўйди.

Сўнгра, татамига -57 кг вазн тоифасида татамига чиққан Диёра Келдиёрова Ха Ми-мини иппон билан ютди. 

Сўнгги баҳс кореялик Ан Ба Улга қарши кечди. Татамига чиққан Муроджон Йўлдошев 10 минутга яқин кечган баҳсда ютқазиб қўйди. Шу тариқа, Ўзбекистон медалсиз қолди.

Аввалроқ, Анна Пракатен Олимпиада ўйинларини 11-ўринда якунлагани ҳақида хабар берилганди.