Urugvaylik hujumchi Luis Suares 37 yoshida terma jamoasidagi faoliyatini yakunlaganini eʼlon qildi. U bu haqda oʻzining ijtimoiy tarmoqdagi sahifasida yozib qoldirgan.

Qayd etish kerakki, Luis terma jamoa libosidagi 142 ta oʻyinda 69 ta gol urgan. Shu tariqa Urugvayning barcha vaqtlardagi eng yaxshi toʻpurari boʻlgan Suares juma kuni Paragvayga qarshi soʻnggi xalqaro oʻyinini oʻtkazadi.

Uchrashuv Montevideodagi “Sentenario” stadionida boʻlib oʻtadi. Ushbu uchrashuv zamonamizning eng yaxshi hujumchilaridan birining xayrlashuv marosimi boʻlishi mumkin.

“Buni aytish ogʻriqli, lekin juma kuni mening mamlakatim terma jamoasi bilan soʻnggi oʻyinim boʻladi”, degan u. Suares 2007-yildan beri Urugvay terma jamoasining asosiy oʻyinchisi boʻlib kelayotgan edi.

Oʻzining xalqaro faoliyati davomida Suares toʻrtta Jahon chempionati va beshta Amerika kubogi turnirlarida qatnashdi. 2011-yilda terma jamoasi bilan “Copa America”da gʻalaba qozondi.

Suares hozirda “Inter Mayami”da faoliyat olib bormoqda. Futbolchi terma jamoadagi faoliyatini yakunlashi jamoaga yordam berishiga ishonishini bildirgan.