Yuz nafar namanganlik Rossiya Federatsiyasiga  ishga joʻnab ketdi

10:13 26 Noyabr 2021 Jamiyat
171 0

Foto: “Xalq so‘zi”

Rossiya Federatsiyasiga fuqarolarni tashkillashtirilgan va tartibli ishga yuborish boʻyicha Oʻzbekiston Respublikasi va Rossiya Federatsiyasi oʻrtasida hukumatlararo “Пилот” loyihasi imzolangani barchaga maʼlum. Mazkur  loyiha boʻyicha Tashqi mehnat migratsiyasi agentligi Namangan viloyati filialida Rossiyaning “Строй Крафт”, “Пик индустрия”, “Анастрой”, “ПСП” va boshqa ish beruvchilari tomonidan  tanlov jarayonlari oʻtkazilmoqda. Joriy yil yakuniga qadar loyiha asosida ming nafar namanganlikni hamkor mamlakatga  tashkiliy ravishda ishga yuborish, ularning rasmiy bandligini taʼminlash, huquq va manfaatlarini kafolatlash maqsad qilingan. Bunda ish beruvchi tomonidan fuqarolar ketish xarajatlari, ish joyiga borgach, uch mahal issiq ovqat, maxsus kiyim bosh, yotoqxona bilan bepul taʼminlanib, oylik mehnat haqi  kasb mutaxassisligiga qarab oʻrtacha 500-800 dollar miqdorida  toʻlanadi.   

Kecha  navbatdagi yuz nafar fuqaro   Amur oʻlkasiga ishga yuborildi. Shu munosabat bilan tashkil etilgan tadbirda  Tashqi mehnat migratsiyasi agentligi, “Istiqbolli avlod” nodavlat notijorat tashkiloti, Maʼnaviyat va maʼrifat markazi viloyat boʻlimi tomonidan fuqarolarga tushuntirish va maslahatlar berildi.

                                                                 Qudratilla NAJMIDDINOV, “Xalq soʻzi”.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?