Yoniq yurakli shoira yod etildi

19:08 17 May 2022 Madaniyat
822 0

Foto: Oʻzbekiston Yozuvchilar uyushmasi Axborot xizmati

Oʻzbekiston Yozuvchilar uyushmasida Oʻzbekiston xalq shoiri Halima Xudoyberdiyeva tavalludining 75 yilligiga bagʻishlangan “Bayroqdek hilpirab vaqt kelayotir...” nomli adabiy-maʼrifiy kecha boʻlib oʻtdi.

Marosimda keng jamoatchilik vakillari, madaniyat va sanʼat namoyondalari, shoira ijodining muxlislari hamda yosh ijodkorlar ishtirok etdi.

Tadbir avvalida anjumanlar zaliga kirishda Halima Xudoyberdiyeva ijodiga oid kitoblar koʻrgazmasi tashkil etildi.

Adabiy kechani Oʻzbekiston Yozuvchilar uyushmasi raisi Sirojiddin Sayyid va Halima Xudoyberdiyeva nomidagi ijod maktabi direktori Pokiza Abdurahmonova tabrik soʻzi bilan ochib berdi.

Tadbirda soʻzga chiqqan taniqli ijodkorlar Usmon Azim, Qutlibeka Rahimboyeva, Eshqobil Shukur, Salim Ashur shoiraning sheʼriyati va ustozlik qirralari borasida alohida toʻxtalishdi, shoira bilan bogʻliq xotiralarini soʻzlab berishdi.

Halima Xudoyberdiyeva nomidagi ijod maktabi oʻquvchilari ishtirokida shoiraning hayoti va ijodiy faoliyatiga bagʻishlangan badiiy chiqishlar namoyish etildi.

Shundan soʻng kinoijodkor M.Nariziqulov shoiraning hayoti va ijodini aks ettiruvchi “Olchazor bogʻlarda” nomli badiiy-publitsistik filmni yaratish borasidagi izlanishlari haqida soʻz yuritdi.

Tadbir soʻnggida mehmonlar va kecha ishtirokchilariga kitoblar jamlanmasi ulashildi.

Rahmatjon Bobojonov, “Xalq soʻzi”.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?