Yashirin konserva sexida 2,6 milliard soʻmlik tabiiy gaz oʻgʻirlandi
Bosh prokuratura huzuridagi Departamentning Bektemir tumani boʻlimi va “Hududgaz Poytaxt” GTF xodimlari hamkorligida tezkor tadbir oʻtkazildi, deb xabar bermoqda Iqtisodiy jinoyatlarga qarshi kurashish departamenti.
Unda aytilishicha, oʻtkazilgan oʻrganishlar davomida fuqaro R.Q. Bektemir tumani, “Oltintopgan” MFY hududidagi xonadonda tegishli tartibda davlat roʻyxatidan oʻtmasdan konserva mahsulotlari ishlab chiqarish faoliyatini yoʻlga qoʻygani fosh qilingan.
Tezkor tadbir davom ettirilganda fuqaro tuman gaz taʼminoti korxonasi bilan shartnoma tuzmasdan, gaz tarmogʻiga oʻzboshimchalik bilan ulanib olib, 889,8 ming m3 tabiiy gazdan noqonuniy foydalanib, davlat va jamiyat manfaatlariga 2,6 milliard soʻm zarar yetkazganligi aniqlangan.
Hozirda mazkur holatlar yuzasidan Jinoyat kodeksining tegishli moddalari bilan jinoyat ishi qoʻzgʻatilib, tergov harakatlari boshlab yuborilgan.
Tavsiya etamiz
Ko‘p o‘qilganlar
- “Bunyodkor” murabbiyi Sergey Arslanov vafot etdi
- Oʻzbekistonda dollar kursi pastladi
- Qondagi glyukozani pasaytirish uchun kechki ovqatlanishning ideal vaqti maʼlum boʻldi
- Sardobaning siri nimada?
- Kamchatka sohillaridagi kuchli zilziladan soʻng Oʻzbekiston Konsulligi vatandoshlarimizga murojaat qildi
- Buxorolik doktorant nimaning evaziga Prezident sovgʻasi – avtomobilga ega boʻldi?
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring