Яширин консерва цехида 2,6 миллиард сўмлик табиий газ ўғирланди
Бош прокуратура ҳузуридаги Департаментнинг Бектемир тумани бўлими ва «Hududgaz Poytaxt» ГТФ ходимлари ҳамкорлигида тезкор тадбир ўтказилди, деб хабар бермоқда Иқтисодий жиноятларга қарши курашиш департаменти.
Унда айтилишича, ўтказилган ўрганишлар давомида фуқаро Р.Қ. Бектемир тумани, «Олтинтопган» МФЙ ҳудудидаги хонадонда тегишли тартибда давлат рўйхатидан ўтмасдан консерва маҳсулотлари ишлаб чиқариш фаолиятини йўлга қўйгани фош қилинган.
Тезкор тадбир давом эттирилганда фуқаро туман газ таъминоти корхонаси билан шартнома тузмасдан, газ тармоғига ўзбошимчалик билан уланиб олиб, 889,8 минг м3 табиий газдан ноқонуний фойдаланиб, давлат ва жамият манфаатларига 2,6 миллиард сўм зарар етказганлиги аниқланган.
Ҳозирда мазкур ҳолатлар юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари бошлаб юборилган.
Тавсия этамиз
Кўп ўқилганлар
- Ўзбекистонда доллар курси пастлади
- «Бунёдкор» мураббийи Сергей Арсланов вафот этди
- Қондаги глюкозани пасайтириш учун кечки овқатланишнинг идеал вақти маълум бўлди
- Сардобанинг сири нимада?
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Бухоролик докторант ниманинг эвазига Президент совғаси – автомобилга эга бўлди?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг