Foto: Arxiv surat

Farmonga koʻra, 2023-yil 1-maydan:

— qurilayotgan koʻp kvartirali uy-joylarning qurilishi yakunlangan qismini (qavatlarini) banklar tomonidan kredit taʼminoti sifatida bosqichma-bosqich garovga olish amaliyoti joriy etiladi;

— 2025-yil 1-yanvargacha ayrim qurilish materiallari va xomashyo turlarini (jadvalda keltirilgan) import qilishda bojxona bojining nol stavkasi qoʻllaniladi.

2024-yil 31-dekabrgacha Tadbirkorlik faoliyatini qoʻllab-quvvatlash davlat jamgʻarmasi tomonidan xususiy pudrat tashkilotlariga Toshkent shahrida – 9 va undan yuqori, boshqa shaharlarda – 7 va undan yuqori, qishloq joylarda – 5 va undan yuqori qavatli uy-joylar qurish uchun ajratilgan tijorat banklarining milliy valyutadagi kreditlari boʻyicha 24 oydan ortiq boʻlmagan muddatga kafillik va kompensatsiya taqdim etiladi. Bunda:

— kompensatsiya – kredit summasidan qatʼi nazar har bir koʻp kvartirali uy-joy uchun kreditning 5 milliard soʻmdan ortiq boʻlmagan qismi boʻyicha toʻlanadi;

— kafillik – kredit summasidan qatʼi nazar har bir koʻp kvartirali uy-joy uchun 2,5 milliard soʻmdan oshmagan miqdorda taqdim etiladi;

— kafillik va kompensatsiyalar berish uchun maydoni 70 kvadrat metrdan oshmagan kvartiralar soni qurilayotgan uy-joydagi jami kvartiralar sonining kamida 70 foizini tashkil etishi lozim.

Qarorga koʻra, 2023-yilda “Yangi Oʻzbekiston” massivlarida (38 ta) jami 837 ta (shundan 305 tasi yangi) koʻp kvartirali uy-joylar quriladi.

2023-yilda fuqarolarning alohida toifalari (harbiy xizmatchilar) uchun 4 000 ta kvartira sotib olish uchun ipoteka kreditlari ajratiladi.

Farmonga koʻra, “Mening birinchi uyim” dasturi tajriba-sinov tariqasida Zangiota tumani “Turkiston” MFYda amalga oshiriladi.