Vengriya amaliy sanʼat muzeyida Oʻzbekistonning boy madaniy merosiga bagʻishlangan koʻrgazma tashkil etiladi
![](https://xs.uz/upload/post/2024/05/28/d67f87b0f754df719c8f278071f47a890528.jpg)
Oʻzbekiston elchisi Oybek Shaxavdinov Vengriya amaliy sanʼat muzeyi kolleksiyasi direktori Jombor Yekey bilan uchrashdi.
Muzokaralar chogʻida Vengriya muzeyida Oʻzbekiston madaniyatini targʻib qilish, shuningdek, Oʻzbekiston amaliy sanʼat muzeyi va Vengriya amaliy sanʼat muzeyi oʻrtasida hamkorlikni yoʻlga qoʻyish masalalari muhokama qilindi.
Ikki mamlakat oʻrtasidagi madaniy aloqalarni mustahkamlash doirasida Vengriya amaliy sanʼat muzeyida oʻzbek amaliy sanʼatining boy merosiga bagʻishlangan koʻrgazma tashkil etish boʻyicha kelishuvga erishildi.
Koʻrgazmada Oʻzbekiston hududlaridan sopol buyumlar, hunarmandchilik mahsulotlari va milliy liboslar namoyish etiladi.
Ushbu tadbir Vengriya aholisi va mehmonlariga Oʻzbekistonning boy madaniy merosi va tarixi bilan yaqindan tanishish uchun noyob imkoniyat yaratadi. Qayd etilishicha, boʻlajak koʻrgazma nafaqat oʻzbek hunarmandlarining yuksak mahoratining namoyishi, balki mamlakatlarimiz oʻrtasidagi madaniy almashinuv va hamkorlikni yanada chuqurlashtirish yoʻlidagi muhim qadam boʻladi.
Tomonlar, shuningdek, Toshkent va Budapeshtda bir qator qoʻshma madaniy tadbirlarni tashkil etish va ularni yuqori saviyada oʻtkazish boʻyicha ham kelishib oldilar.
Tavsiya etamiz
Ko‘p o‘qilganlar
- Dam olish kunlari harorat +27 darajagacha pasayadi
- “Barselona”ga kelgan Dani Olmo klubni qiyin ahvolga solib qoʻydi
- Bir oylik harbiy xizmat toʻlovi miqdori oshiriladi
- Mbappe “Real” uchun gol urgan oʻyinda UYEFA Superkubogiga ega chiqdi
- “Andijon” klubi futbolchisi Milliy gvardiya xodimini urib, jarohat yetkazdi
- YHXB: Tartibga solinmagan oʻtish joyidan oʻtayotgan piyodalardan qoʻllarini baland koʻtarishni soʻraymiz
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring