“Vatanparvar” tashkiloti sportchisi Muhammad Kamolov Jahon kubogida sovrindor boʻldi

23:44 13 May 2022 Sport
486 0

Foto: “Vatanparvar” tashkiloti Matbuot xizmati

Shu kunlarda Germaniyaning Zul shahrida sportning oʻq otish turi sporti boʻyicha yoshlar oʻrtasida Jahon kubogi musobaqasi boʻlib oʻtmoqda. Unda dunyoning 50 davlatidan besh yuzdan ortiq iqtidorli sportchilar bahs yuritmoqda. 

Oʻzbekiston Respublikasi mudofaasiga koʻmaklashuvchi “Vatanparvar” tashkiloti Matbuot xizmati xabariga koʻra, musobaqada ishtirok etayotgan tashkilotning Namangan viloyati Kengashining pnevmatik quroldan oʻq otish seksiyasi aʼzosi 18 yoshli Muhammad Kamolov 10 metr masofaga toʻpponchadan oʻq otish bellashuvida munosib ishtirok etib, 70 nafar ishtirokchi orasida 3-oʻrinni qoʻlga kiritdi. U murosasiz bellashuvlarda hindistonlik Shiva Narval va Sarabjot Singxdan biroz imkoniyatni berdi. Terma jamoamizning yana bir vakili Veniamin Nikitin ham bellashuvda faol ishtirok etib, sakkizinchi oʻrinni egalladi.

Eʼtiborli jihati, bu yosh merganlarimizning Jahon kubogi bosqichlarida qoʻlga kiritgan ilk medali hisoblanadi. Bungacha vakillarimiz 1999, 2008-yillarda oʻtkazilgan kattalar oʻrtasidagi Jahon kubogi bahslarida sovrindorlar safidan joy olgan edi.

Eslatib oʻtamiz, Muhammad Kamolov oʻtgan 2021-yilda Rossiyaning Qozon shahrida boʻlib oʻtgan birinchi MDH davlatlari oʻyinlarining pnevmatik miltiqdan oʻq otish musobaqasida oltin hamda Qozogʻistonning Chimkent shahri mezbonlik qilgan XXIV Osiyo chempionatida kumush va bronza medallariga sazovor boʻlgan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер