“Umid nihollari — 2022” gʻoliblariga Prezident sovgʻasi topshiriladi

15:30 23 Avgust 2022 Sport
2503 0

Foto: Illustrativ foto

2021-2022 oʻquv yili davomida yoshlarda sportga boʻlgan havas va intilishni, jamiyatda sogʻlom turmush tarzi tamoyillarini yanada kuchaytirish, yosh iqtidorli sportchilarni tanlab olish, ularda professional mahorat va koʻnikmalarni rivojlantirish, sport turlari boʻyicha mamlakat terma jamoalariga sport zaxirasini tayyorlash, oʻquvchilarni sport mashgʻulotlariga uzluksiz jalb etishga qaratilgan “Umid nihollari - 2022” sport musobaqalari oʻtkazildi.

Joriy yilning 23-27-avgust kunlari respublikamizning barcha hududlarida umumiy oʻrta taʼlim maktablari oʻquvchilari oʻrtasida oʻtkazilgan “Umid nihollari - 2022” sport musobaqalarining final bosqichlarida 7 mingdan ortiq gʻolib va sovrindor boʻlgan oʻquvchilar hamda ularning 716 nafar murabbiylarini taqdirlash marosimlari tantanali ravishda oʻtkaziladi.

Bugun taqdirlash marosimlari Toshkent viloyatining Olmaliq shahridagi Olmaliq kon metallurgiya kombinatining sport majmuasida “Yoshlik va sport bayrami” sifatida nishonlanadi.

Bayram tadbirida Toshkent viloyatining jami 509 nafar oʻquvchilari hamda 51 nafar jismoniy tarbiya fani oʻqituvchi - murabbiylariga esdalik sovgʻalari topshiriladi.

1-oʻrinni egallagan oʻquvchilarning har biri noutbuk, 2-oʻrin televizor, 3-oʻrin velosiped va 1-3-darajali medal, diplom va kuboklar, shuningdek, ularni musobaqalarga tayyorlagan oʻqituvchi - murabbiylari sport ekipirovkalari bilan taqdirlanadi.

Umumjamoa hisobida gʻoliblikni qoʻlga kiritgan jamoaga esa Oʻzbekiston Respublikasi Prezidenti sovgʻasi sifatida “Damas” rusumli avtomashina topshiriladi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?