Foto: AP

Geofizik olim, professor Ovgʻun Ahmet Erjan bahor oldidan Turkiyada kuchli zilzila boʻlishini bashorat qildi.

Turkiyalik geofizik, professor Ovgʻun Ahmet Erjan bahor oldidan mamlakatda kuchli zilzila boʻlishini bashorat qildi. Ammo u yer silkinishlarining aniq joyini ayta olmagan.

“Menimcha, bahor oldidan zilzila sodir boʻladi. Lekin hozir qayerda boʻlishini bilmayman. Afsuski, kartina shuni koʻrsatmoqda. U, ayniqsa, Anadoʻlida keskinlik kuchayib borayotganini koʻrsatmoqda”, - deydi olim.

Erjanning soʻzlariga koʻra, Anadoʻlidagi vaziyat juda “tarang”.

“Va bu keskinlik hamma joyda kuchayib bormoqda. Biroz gʻayrioddiy vaziyat rivojlanmoqda. Aslida 4 balli zilzilalar kuchli emas, lekin kuchi 4 balldan yuqori boʻlgan zilzilalar mamlakatning turli hududlarida sodir boʻlishi odamlarni “larzaga soladi”, - deydi olim.

U 2011-yilgi Van zilzilasida keskinlik Hatay tomon siljiganini, Bitlis belbogʻining davomi esa Hakkari tomon yoʻnalganini qayd etdi.

“Bu yerdagi yoriq uzoq vaqt davomida “jim”. Bu yerda zilzila boʻshligʻi mavjud. Kelajakda zilzilalar sodir boʻladigan joylar mavjud. Hakkarida birin-ketin zilzilalar boʻlayotgani meni oʻylantirdi. Ushbu mintaqadagi qobiq qalinligi taxminan 43 км.ни tashkil qiladi va hozirda yorilishga qarshilik koʻrsatmoqda. Biroq, agar bu yerda yer qobigʻining yorilishi uchun yetarlicha stress toʻplansa, u holda taxminan 7 magnitudali zilzila kutiladi. Vaqt oraligʻini berishning iloji yoʻq, ammo bu tanaffus uchun nomzod mintaqadir. Albatta, har 4 balli zilziladan keyin katta zilzila boʻlishini kutish notoʻgʻri boʻlardi, ammo geofizik nuqtai nazardan, bu bizga: “Men, kelaman!” degan fikrni bildiradi, - deydi olim.

Oʻtgan yilning 6-fevralida Turkiyaning Qahramanmarsh viloyatida 7,7 va 7,6 magnitudali zilzilalar sodir boʻlgandi. Yer silkinishlari toʻqqiz soat farq bilan sodir boʻlgandi. Yerosti silkinishlari ortidan yuzlab yer silkinishlari mamlakatning 11 viloyati va qoʻshni davlatlar, jumladan Suriyada ham sezilgan. Soʻnggi maʼlumotlarga koʻra, Turkiyada 55 mingdan ortiq odam halok boʻlgan.