Illyustrativ foto

Yetti davlat vakillari AQSH prezidenti Donald Trampning tinchlik boʻyicha Nobel mukofotiga nomzodini qoʻllab-quvvatladi. Bu haqda Oq uy tomonidan maʼlum qilindi.

Manbada aytilishicha, Ozarbayjon prezidenti Ilhom Aliyev, Armaniston bosh vaziri Nikol Pashinyan, Kambodja bosh vaziri Xun Sen, Gabon prezidenti Bris Oligi Nguema, Isroil bosh vaziri Benyamin Netanyahu, Pokiston hukumati va Ruanda tashqi ishlar vaziri Olive Nduxungirxe AQSH yetakchisini ushbu yuksak mukofotga munosib deb hisoblagan.

Shu yilning 24-iyun kuni AQSH Kongressi Vakillar palatasining respublikachi aʼzosi Erl Karter Isroil va Eron oʻrtasida oʻt ochishni toʻxtatish boʻyicha kelishuvga erishganidan soʻng Trampni Nobel mukofotiga nomzod qilib koʻrsatishni taklif qildi. Uning qayd etishicha, AQSH prezidenti qurolli mojaroni hal etishda “alohida va tarixiy rol” oʻynagan.

Amerikalik siyosatshunos Malek Dudakov Trampning Nobel mukofotini olishi uning Ukraina va Yaqin Sharqdagi mojarolardagi muvaffaqiyatli siyosatiga bogʻliq boʻlishini, biroq uning mukofotni qoʻlga kiritish imkoniyati hozircha past ekanligini taʼkidladi. Uning qoʻshimcha qilishicha, AQSH yetakchisi uni olishi muhim, chunki uning mamlakatning sobiq prezidenti Barak Obama bilan uzoq yillik raqobat kontekstida tugallanmagan ishi bor.