Иллюстратив фото

Етти давлат вакиллари АҚШ президенти Дональд Трампнинг тинчлик бўйича Нобель мукофотига номзодини қўллаб-қувватлади. Бу ҳақда Оқ уй томонидан маълум қилинди.

Манбада айтилишича, Озарбайжон президенти Илҳом Алиев, Арманистон бош вазири Николь Пашинян, Камбоджа бош вазири Хун Сен, Габон президенти Брис Олиги Нгуэма, Исроил бош вазири Бенямин Нетаньяҳу, Покистон ҳукумати ва Руанда ташқи ишлар вазири Оливе Ндухунгирхе АҚШ етакчисини ушбу юксак мукофотга муносиб деб ҳисоблаган.

Шу йилнинг 24 июнь куни АҚШ Конгресси Вакиллар палатасининг республикачи аъзоси Эрл Картер Исроил ва Эрон ўртасида ўт очишни тўхтатиш бўйича келишувга эришганидан сўнг Трампни Нобель мукофотига номзод қилиб кўрсатишни таклиф қилди. Унинг қайд этишича, АҚШ президенти қуролли можарони ҳал этишда «алоҳида ва тарихий роль» ўйнаган.

Америкалик сиёсатшунос Малек Дудаков Трампнинг Нобель мукофотини олиши унинг Украина ва Яқин Шарқдаги можаролардаги муваффақиятли сиёсатига боғлиқ бўлишини, бироқ унинг мукофотни қўлга киритиш имконияти ҳозирча паст эканлигини таъкидлади. Унинг қўшимча қилишича, АҚШ етакчиси уни олиши муҳим, чунки унинг мамлакатнинг собиқ президенти Барак Обама билан узоқ йиллик рақобат контекстида тугалланмаган иши бор.