Foto: Reuters

AQSH prezidenti Donald Tramp maʼmuriyati Amerika Qoʻshma Shtatlari Xalqaro Taraqqiyot Agentligi (USAID) orqali Amerika xalqaro yordamini 27 milliard dollardan koʻproq qisqartirmoqda. Bu haqda “Politico” oʻz manbalariga tayanib xabar berdi.

“Rasmiy maʼlumotlarga koʻra, Tramp maʼmuriyati USAID tomonidan boshqariladigan 5300 dan ortiq grant va 27 milliard dollardan ortiq shartnomalarni bekor qilgan. Shuningdek, AQSH Kongressiga yuborilgan hujjatda 8,3 milliard dollarga yaqin 900 ga yaqin dastur saqlab qolingani koʻrsatilgan”, — deb yozadi nashr.

Mutaxassislarning ogohlantirishicha, bu qisqartirishlar dunyo boʻylab odamlarning tez-tez kasallanishiga olib kelishi mumkin. Chunki AQSH dunyodagi eng yirik sogʻliqni saqlash va gumanitar yordam donori hisoblanadi.

Bundan tashqari, maʼmuriyatning ushbu dasturlarni tugatish vakolatiga Kongressdagi demokratlar tomonidan eʼtiroz bildirilishi kutilmoqda. Chunki mablagʻlarni qanday sarflash toʻgʻrisida qaror qabul qiluvchi qonun chiqaruvchi hokimiyatdir.

Shu yilning 10-mart kuni AQSH Davlat kotibi Marko Rubio olti haftalik faoliyatini koʻrib chiqqandan soʻng, USAID dasturlarining 83 foizi yopilishini maʼlum qilgandi. Uning soʻzlariga koʻra, davlatning milliy manfaatlariga javob bermagan va hatto zarar keltirmaydigan minglab bekor qilingan shartnomalar uchun oʻnlab milliard dollar sarflangan.