Toshkentda Xalqaro teatr va balet festivali oʻtkaziladi

16:11 21 Fevral 2022 Madaniyat
1550 0

Arxiv surat

15-martdan 15-mayga qadar Toshkentda Xalqaro teatr va balet festivali boʻlib oʻtadi. Festival Madaniyat va sanʼatni rivojlantirish jamgʻarmasi tomonidan tashkil etilmoqda.

Unda Moskva Sovremennik teatri, Moskva Zamonaviy pyesa maktabi teatri, Rossiya Xalqlar teatri, A.P.Chexov nomidagi Moskva badiiy teatri va Boris Eyfman nomidagi Sankt-Peterburg davlat akademik balet teatri mehmon sifatida ishtirok etadi.

Festival davomida Alisher Navoiy nomidagi Katta teatr, “Ilhom” teatri, Hamza nomidagi Davlat akademik drama teatri sahnalarida spektakl va balet spektakllari namoyish etilishi rejalashtirilgan.

Xalqaro teatr va balet festivali doirasidagi spektakllar audio sharh (sahnadagi harakatning qisqacha tavsifi, koʻzi ojiz yoki zaif koʻruvchilar uchun tushunarli boʻlishi uchun) bilan birga namoyish etiladi. Bundan tashqari, rus tilida boʻlib oʻtadigan spektakllarida oʻzbek tilidagi subtitrlar maxsus ekranlar orqali taqdim etiladi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?