Foto: Akmal Muhammadov/“Xalq soʻzi”

Bugun, 18-oktyabr kuni Oʻzbekiston Respublikasida akkreditatsiyadan oʻtgan diplomatik vakolatxonalar va xalqaro tashkilotlar oʻrtasida XІX xalqaro mini-futbol musobaqasi oʻtkazildi.

​

​

​

Ushbu turnir Oʻzbekiston Respublikasi Tashki ishlar vazirligi huzuridagi Diplomatik servis xizmati va Oʻzbekiston futbol assotsiatsiyasi koʻmagida tashkil etilgan boʻlib, musobaqa Olmazor tumanidagi Respublika oliy sport mahorati maktabining “Chigʻatoy” stadionida boʻlib oʻtdi.

​

​

​

​

XІX xalqaro mini-futbol turnirini oʻtkazishdan asosiy maqsad diplomatik vakolatxonalar xodimlarining boʻsh vaqtlarini mazmunli va maroqli oʻtkazishini taʼminlash, ularning norasmiy, doʻstona muloqoti uchun sharoit yaratishdir.

​

​

​

Mazkur tadbir diplomatik vakolatxonalarning sportga boʻlgan qiziqishini yanada oshirib, mamlakatlar oʻrtasidagi doʻstona munosabatlarni mustahkamlashga xizmat qiladi. Mini-futbol turnirida elchilar, diplomatlar, elchixonalar va xalqaro tashkilotlarning vakolatxonalari xodimlari ishtirok etdi.

​

​

​

​

​

Mazkur tadbirda 18 ta diplomatik vakolatxona va tashkilotlar jamoalari ishtirok etdi. XІX xalqaro mini-futbol turniri ishtirokchilari bilan quyidagi roʻyxatda tanishishingiz mumkin:

• Amerika Qoʻshma Shtatlari elchixonasi;
• Birlashgan Arab Amirliklari elchixonasi;
• Fransiya Respublikasi elchixonasi;
• Hindiston Respublikasi elchixonasi;
• Eron Islom Respublikasi elchixonasi;
• Qirgʻiz Respublikasi elchixonasi;
• Rossiya Federatsiyasi elchixonasi;
• Rumыniya elchixonasi;
• Tojikiston Respublikasi elchixonasi;
• Shveysariya Konfederatsiyasi elchixonasi;
• Xitoy Xalq Respublikasi elchixonasi;
• Birlashgan Millatlar Tashkiloti (BMT);
• Yevropa Tiklanish va Taraqqiyot Banki;
• “LUKOYL” kompaniyasi;
• GIS — Xalqaro maktab (Global International School);
• VFS.Global — Viza xizmatlari markazi;
• Oʻzbekiston Respublikasi Tashqi ishlar vazirligi;
• Oʻzbekiston Respublikasi Tashqi ishlar vazirligi huzuridagi “Diplomatik servis xizmati” DUK.

​

​

​

Bundan tashqari, diplomatik vakolatxonalar xodimlarining oila aʼzolari uchun alohida badminton, arqon tortish va 100 metrga yugurish kabi musobaqalar ham oʻtkazildi.

​

​

​