Toshkent viloyatida 1 mlrd soʻmlik gazdan noqonuniy foydalanildi
Foto: “Oʻzenergoinspeksiya”
Toshkent viloyatida 1 milliard soʻmlik tabiiy gazdan noqonuniy foydalanish holati aniqlandi. Bu haqda “Oʻzenergoinspeksiya” axborot xizmati xabar berdi.
Maʼlum qilinishicha, inspeksiyaning Toshkent viloyat hududiy boshqarmasi va gaz taʼminoti korxonasi hamkorligida nazorat tadbiri oʻtkazilgan. Unda Oʻrta Chirchiq tumanida “O.T.M.” oilaviy korxonasiga qarashli binoda oʻzboshimchalik bilan tarmoqqa ulanib, tabiiy gazdan noqonuniy foydalanib kelayotganligi aniqlangan.
Dastlabki hisob-kitoblariga koʻra, ushbu qoidabuzarlik natijasida, gaz taʼminoti korxonasiga 1 milliard 5 million soʻmlik zarar yetkazilgan.
Qayd etilishicha, hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.
Eslatib oʻtamiz, avvalroq Toshkent viloyati Ohangaron tumanida 1,6 milliard soʻmlik tabiiy gazdan oʻgʻrincha foydalanish holati aniqlangani haqida xabar berilgan edi.
Tavsiya etamiz
Ko‘p o‘qilganlar
- Nega biz haligacha oʻzga sayyoraliklar bilan uchrashmaganmiz?
- Aholi va qishloq xoʻjaligini onlayn roʻyxatga olish boshlanishiga 3 kun qoldi
- Erkinjon Turdimov: “Muammo binoda emas, muammo rahbar va uning ish uslubida”
- Prezident prokuratura organlari xodimlari va faxriylariga tabrik yoʻlladi
- “Katta sakrash” yoxud Oʻzbekiston sunʼiy intellekt va raqamli texnologiyalar rivojida yangi bosqichga qadam qoʻydi
- Oʻzbekistonda 2025-yilda 150 tonnadan ortiq sifatli qon tayyorlangan
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring