Fransiya poytaxti Parij shahrida oʻtkazilayotgan XVII Paralimpiya oʻyinlarida hamyurtlarimiz oʻz yurishlarini boshlashdi.

Erkaklar oʻrtasida S13 klassida 100 metr masofaga batterflyay usulida suzish boʻyicha saralash bahslari yakunlandi. Quvonarlisi, ushbu masofada startga chiqqan hamyurtlarimiz Muzaffar Tursunxoʻjayev hamda Kiril Pankov saralashni muvaffaqiyatli oʻtkazib, final yoʻllanmasiga ega boʻldi.

Ushbu yoʻnalishda qatnashgan Islam Aslanov esa oʻz guruhida 6-oʻrinni egalladi va keyingi bosqichga yoʻllanma ololmadi.

Bundan tashqari, ayollar oʻrtasida ham suzish musobaqalarida hamyurtlarimiz oʻzlarining muvaffaqiyatli yurishlarini boshladi. Shoxsanam Toshpoʻlatova hamda Muslima Odilova ham medallar uchun kurashni davom ettiradi.

Qayd etish kerakki, ayollar oʻrtasida S13 klassida 100 metr masofaga batterflyay usulida suzish boʻyicha saralash bahslari oʻz nihoyasiga yetdi. Ushbu masofada kurash olib borgan para suzuvchilarimiz Muslima Odilova hamda Shoxsanam Toshpoʻlatova ikkinchi va uchinchi oʻrinlarni egallab, hal qiluvchi final bosqichiga yoʻllanma oldi.

Ushbu yoʻnalishda final bahslari bugun Toshkent vaqti bilan soat 23:09 dan soʻng boshlanadi.

Avvalroq, ikki Olimpiada chempionlariga muddatidan oldin podpolkovnik unvonlari berilgandi.