Taniqli ijodkorning tanlangan asarlari chop etildi
![](https://xs.uz/upload/post/2024/01/25/00dce0bacf00896bb03ea89e345ea8980125.jpg)
Yozuvchilar uyushmasida Oʻzbekiston xalq shoiri Usmon Azimning koʻp jildli “Tanlangan asarlar”i taqdimoti boʻlib oʻtdi.
Tadbirda yozuvchi-shoirlar, adabiyot ixlosmandlari, shoirning doʻstu yaqinlari hamda talaba-yoshlar ishtirok etishdi.
— Usmon Azim sheʼriyatimizning zabardast vakili, adabiyotimizning katta ustunlaridan biridir, — dedi Yozuvchilar uyushmasi raisi Sirojiddin Sayyid. — U hech qachon soʻzga, adabiyotga xiyonat qilmagan. Oʻylaymizki, ushbu toʻplam xalqimiz koʻnglidan munosib joy egallaydi.
Toʻplamning 1-2 jildlari allaqachon oʻz muxlislariga ega. 3 jildida “Kuz” va “Fonus”, 4 jildida “Yurak” va “Jimlik”, 5 jildida “Kollaj” va “Koʻngil”, 6 jildida “Bir parcha osmon” nomli toʻplamlaridan olingan eng sara sheʼrlari jam boʻlgan. 7 jildiga esa Usmon Azimning “Saltanat”, “Gʻoz”, “Sohibqiron va usta”, “Qiyomat”, “Samarqand”, “Sevgi” kabi sara hikoyalari kiritilgan.
Adabiy kechada shoir soʻzi bilan kuylanuvchi qoʻshiqlar yangradi, shoir sheʼrlari oʻqildi. Ayniqsa shoirning oʻzi oʻqib bergan yangi sheʼrlari qatnashuvchilarga oʻzgacha zavq bagʻishladi.
Shahrizoda MUSAYEVA,
Mirzo Ulugʻbek nomidagi Oʻzbekiston
Milliy universiteti talabasi.
Tavsiya etamiz
Ko‘p o‘qilganlar
- Dam olish kunlari harorat +27 darajagacha pasayadi
- “Barselona”ga kelgan Dani Olmo klubni qiyin ahvolga solib qoʻydi
- Bir oylik harbiy xizmat toʻlovi miqdori oshiriladi
- Mbappe “Real” uchun gol urgan oʻyinda UYEFA Superkubogiga ega chiqdi
- “Andijon” klubi futbolchisi Milliy gvardiya xodimini urib, jarohat yetkazdi
- YHXB: Tartibga solinmagan oʻtish joyidan oʻtayotgan piyodalardan qoʻllarini baland koʻtarishni soʻraymiz
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring