Foto: Gazeta.uz

Talabalar ijara toʻlovlarini bir qismini qoplab berish boʻyicha onlayn ariza berishlari mumkin. Bu haqda Oliy taʼlim, fan va innovatsiyalar vazirligi matbuot xizmati oʻz ijtimoiy tarmoqdagi sahifasida maʼlum qildi.

Qayd etish kerakki, Vazirlar Mahkamasining 2021-yil 24-sentyabrdagi 605-son qaroriga asosan ijara huquqi asosida yashaydigan davlat oliy taʼlim muassasalarining kunduzgi taʼlim shaklida tahsil olayotgan talabalarga oylik ijara toʻlovining bir qismini davlat byudjeti hisobidan qoplab berilishi boʻyicha arizalarni onlayn yuborish imkoniyati yaratilgandi.

Ariza berish quyidagicha ketma-ketlikda amalga oshiriladi:

1️) kontrakt.edu.uz axborot tizimidan roʻyxatdan oʻtiladi va shaxsiy kabinetga kiriladi;

2️) shaxsiy kabinetdan “Ijara toʻlovlari” boʻlimi tanlanadi;

3️) “Ariza yuborish” tugmasi bosiladi va ariza yuboriladi.

Maʼlumot uchun aytish mumkinki, bunda 1 bosqich talabalaridan joriy oʻquv yilining sentyabr va oktyabr oylari uchun ijara shartnomasi talab etilmaydi. Shunga qaramasdan ikkinchi va undan yuqori kurs talabalari uchun ijara shartnomasi boʻlishi talab etiladi.

Ijara shartnomalarini hisobga qoʻyish xizmati esa http://ijara.soliq.uz orqali amalga oshiriladi.

Avvalroq, bir yilda isteʼmol sektoridagi tovarlarning narxi 10 foizdan koʻproqqa oshgani haqida xabar berilgandi.