Illyustrativ foto

"Microsoft" korporatsiyasining asoschilaridan biri boʻlgan Bill Geyts taniqli teleboshlovchi Jimmi Fellonga bergan intervyusida sunʼiy intellektning kelajagi haqida dadil bashoratlar qildi.

U sunʼiy intellekt bir paytlar shaxsiy kompyuterlar kabi keng tarqalgan va hammabop boʻlishiga hamda tibbiyot va taʼlim sohasidagi mutaxassislar yetishmovchiligini bartaraf etishga yordam berishiga ishonch bildirdi.

Geytsning soʻzlariga koʻra, oʻn yildan soʻng odamlar sunʼiy intellekt yordamida malakali tibbiy tavsiyalar va taʼlim xizmatlarini olishi mumkin boʻladi. Shuningdek, uning taxmin qilishicha, texnologiyalar rivojlanishi ish haftasining davomiyligini sezilarli darajada — ikki kunga qadar qisqartirish imkonini beradi, bu ish unumdorligining oshishi hisobiga boʻladi.

Biroq bunday optimizm bir qator ekspertlarda shubha uygʻotdi. Ular sogʻliqni saqlash tizimidagi tizimli muammolar va mavjud sunʼiy intellekt modellarining cheklanishlarini, shu jumladan, algoritmlarning farazlarga asoslanganini va maʼlumot berishda mumkin boʻlgan xatolarni koʻrsatadi.

Bundan tashqari, Bill Geyts sunʼiy intellektning iqlimga taʼsiri va texnologiyalarni ishlab chiqishda barqaror yondashuvning ahamiyatini muhokama qildi. Uning taʼkidlashicha, hisoblash quvvatining ortishi ekologik maqsadlarga qarshi bormasligi kerak.