Sirdaryoda ijtimoiy koʻmak koʻlami kengaymoqda
Foto: Халқ сўзи
Anomal sovuq boshlangan dastlabki kunlardanoq Guliston shahrida “Isinish xonasi” tashkil etildi. Qizil yarim oy jamiyati tomonidan oʻrnatilgan mazkur chodir mehmonlariga bir finjon choy, qahva ham taklif etilmoqda.
Yangiyerlik tadbirkorlar esa oʻnlab ehtiyojmand oilalarga elektr isitgichlar yetkazdi. Sirdaryo viloyatining barcha shahar va tumanlarida ehson oshlari tayyorlanib, aholiga tarqatilmoqda. Shuningdek, ijtimoiy yordam sifatida koʻmir va koʻrpalar ham berilayotir.
— Tez orada jami 236 mahalladagi “Yoshlar daftari”ga kiritilgan ming nafar yigit-qiz bosh-oyoq issiq kiyim bilan taʼminlanadi, — deydi Sirdaryo viloyati hokimligi axborot xizmati rahbari Zafar Mirrahimov. — Zotan, mehr-muruvvatga yoʻgʻrilgan bunday tadbirlarning koʻlami keng. Ushbu xayrli ishlarda faqat tashkilot va idoralar emas, saxovatli yurtdoshlarimiz ham faol ishtirok etayotgani quvonarli. Taʼbir joiz boʻlsa, anomal sovuqda qiynalgan oilalarga koʻrsatilayotgan yordam orqali mehr tafti ulashilmoqda.
Ahmadali SHERNAZAROV, “Xalq soʻzi”.
Tavsiya etamiz
Ko‘p o‘qilganlar
- Alisher Navoiy – ilm va maʼno ehtiyoji manbai
- Investorlar uchun eng jozibador hudud yoxud investitsiya oqimidagi keskin tafovutning sabab va oqibatlari
- Ilm-fan sohasida xotin-qizlarga yaratilgan imkoniyatlarga bagʻishlangan anjuman
- Oʻzbekistonda inson aʼzolarini 3D bioprinterda chop etish imkoniyati yaratilmoqda
- Bedilni xalqqa tanitgan xattot
- Milliy naqshlarda oʻzligimiz namoyon
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring