Senatda Yevropa Ittifoqining Oʻzbekistondagi Elchisi bilan uchrashuv boʻlib oʻtdi
12-fevral kuni Oliy Majlis Senati Raisi Tanzila Narbayeva Yevropa Ittifoqining Oʻzbekistondagi Elchisi Toyvo Klaar bilan uchrashdi.
Muloqot davomida Oʻzbekiston va Yevro Ittifoqiga aʼzo davlatlar oʻrtasidagi strategik munosabatlar yangi bosqichga koʻtarilgani eʼtirof etildi.
YIning GSP+ tizimi doirasida savdo, iqtisodiyot, taʼlim, tibbiyot, innovatsiya sohalaridagi hamkorlik loyihalarini kengaytirish masalalari muhokama qilindi.
Mamlakatimizda inson huquqlarini, gender tenglikni taʼminlashga hamda fuqarolik institutlari imkoniyatlaridan kengroq foydalanishga qaratilgan ishlar alohida qayd etilib, bu borada rivojlangan davlatlarning tajribalarini oʻrganish yuzasidan fikr almashildi.
Shu bilan birga, Yevropa Ittifoqiga aʼzo davlatlar bilan parlamentlararo munosabatlarni kuchaytirish hamda qonun ijodkorligi va parlament nazoratini takomillashtirishga oid hamkorlik dasturlarini yoʻlga quyishga kelishib olindi.
Tavsiya etamiz
Ko‘p o‘qilganlar
- Oʻzbekistonda xizmat koʻrsatgan artist Oygul Xalilova vafot etdi
- “Yurakka ko‘milar asl shoirlar”
- Kartoshka narxi qachon pasayishi maʼlum boʻldi
- “Hamza Hasanovdan Gʻaybulla Tursunovgacha”: “Yangi Oʻzbekiston yulduzlari” mukofoti gʻoliblari aniqlandi
- Kelgusi hafta uchun ob-havo maʼlumoti eʼlon qilindi
- Alisher Navoiy ijodini oʻrganish — qalb amrimiz boʻlmogʻi darkor
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring