Samarqandda kuchli yomgʻir yogʻdi

17:51 04 May 2021 Jamiyat
556 0

Samarqand shahrida yogʻgan qisqa muddatli yomgʻir va shamol bir necha tabiiy hodisalarni keltirib chiqardi. Jumladan, Universitet xiyoboni va boshqa hududlardagi daraxtlarga shikast yetkazgan. Ayrim koʻchalarni suv bosdi. Shuningdek, singan daraxt shoxlari avtomashinalarga ham zarar yetkazgan.

Shu bois Samarqand shahrida yogʻadigan kuchli yomgʻirdan soʻng yuzaga kelishi mumkin boʻlgan suv toshqini va turli xil koʻngilsizliklarni oldini olish maqsadida Samarqand shahar hokimligi boshchiligida tezkor xavfsizlik guruhi tashkil etilgan.

Mazkur guruh tomonidan texnik vositalar yordamida shaharning har bir hududi nazorat qilib boriladi va mavjud muammolarga tezda barham beriladi.

Abdulaziz Yoʻldoshev,

“Xalq soʻzi”

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?