Fransiya poytaxtida oʻtkazilayotgan yozgi Olimpiada oʻyinlarida oʻzbek sportchilari oʻz yurishlarini davom ettirmoqda.

Yengil atletika boʻyicha Oʻzbekiston terma jamoasi aʼzosi Safina Saʼdullayeva “Parij-2024” yozgi Olimpiada oʻyinlaridagi ishtirokini davom ettirdi.

Yengil atletika boʻyicha Oʻzbekiston terma jamoasi aʼzosi Safina hamyurtlarimizning bugungi omadli ishtirokini davom ettirdi. Balandlikka sakrash dasturining final bosqichida yurtdoshimiz birinchi urinishda 1 metr 86 sm ni zabt etdi.

Qayd etish kerakki, Safina Saʼdullayeva balandlikka sakrash dasturining ikkinchi urinishida 191 sm balandlikni zabt etdi. Safina uchinchi urinishda 1,95 metrga sakray oldi.

Safina va yana 5 sportchi 1,98 metrga sakray olmadi. Shu tariqa hamyurtimiz qoʻshimcha koʻrsatgichlar evaziga bronzadan mahrum boʻldi.

Maʼlumot uchun aytish mumkinki, Safina Saʼdullayeva xalqaro toifadagi sport ustasi hisoblanadi va bir qator nufuzli turnirlarda sovrindor boʻlgan.

Avvalroq, veloshosse boʻyicha oʻzbekistonlik qizlar finishga 51 va 70-oʻrinda yetib kelgani haqida xabar berilgandi.