Rossiya tomonidan Sharqiy Kupyansk shahriga boshqariladigan bomba hujumidan soʻng kamida 14 kishi jarohat olgan. Ukraina prezidenti Vladimir Zelenskiy kechki murojaatida halok boʻlganlar borligini aytdi. Hujum oqibatida shahar hokimligi binosiga ham zarar yetgan.

Ukraina Bosh shtabi Pokrovsk yaqinidagi bir qator qishloqlarda shiddatli janglar boʻlganini maʼlum qildi.

“Hozirgacha dushman Ukraina pozitsiyalariga hujum qilishga 38 marta urinib koʻrdi. Jang hali ham 14 ta joyda davom etmoqda”, — dedi Bosh shtab.

Vladimir Putin Ukraina qoʻshinlari tomonidan qoʻlga olingan Kursk viloyatidagi hududni qaytarib olish uchun qarshi hujumga oʻtishini, ammo qiyin kurashga duch kelishini aytgan.

NATO aʼzolari NATO—Ukraina Kengashi yigʻilishida Ukraina mudofaasini yanada kuchaytirish majburiyatini qayta tasdiqladilar.

“Biz Ukrainani Rossiyaning bosqinidan himoya qilish uchun zarur boʻlgan asbob-uskunalar va oʻq-dorilar bilan taʼminlashda davom etishimiz kerak. Bu Ukrainaning kurashda qolishi uchun juda muhimdir”, — dedi Bosh kotib Yens Stoltenberg.

Shuningdek, Rossiya tashqi ishlar vazirligi 92 nafar AQSH fuqarolarini, jumladan, jurnalistlar, advokatlar va mamlakatning asosiy harbiy-sanoat firmalar rahbarlariga nisbatan taqiq joriy etdi.