France 24

Vengriya bosh vaziri Viktor Orban Kiyevga tashrif buyurdi. Bu Rossiya va Ukraina oʻrtasida boshlangan konfliktlardan 2-yil oʻtib sodir boʻldi. Yevropa Ittifoqining Ukrainani qoʻllab-quvvatlashini qattiq tanqid qiluvchi bosh vazir Vladimir Zelenskiy bilan ikki tomonlama munosabatlarni muhokama qilmoqchi. Bu haqda “France 24” nashri xabar qildi.

Xalqaro siyosatchilarga koʻra, bu tashrif “majburiyat yuzasidan” boʻldi, chunki Vengriya Yevropa Ittifoqiga raislik qilayotgan bir davrda bunday siyosiy tarafkashlik mamlakat obroʻsiga jiddiy taʼsir qilishi mumkin.

Viktor Orban, avvalroq, Yevropaning Ukrainaga moliyaviy va harbiy yordamini tanqid qilgan va 50 milliard yevrolik paketini vaqtincha bloklagan edi. Vengriyalik siyosatchi Yevropa Ittifoqining yirik yordamlariga qarshi boʻlishiga qaramay, u Ukraina bilan rasmiy aʼzolik muzokaralarini ochishga qaratilgan harakatiga veto qoʻymadi.

Vengriya bosh vaziri Rossiya prezidenti Vladimir Putin bilan iliq munosabatlarni saqlab qolganlikda ayblanadi. Garchi uning oʻzi mamlakati manfaati uchun barcha bilan munosabat oʻrnatganligi, shaxslar u uchun ahamiyatli emasligini aytib kelsa-da, ayblovlar doimiy tarzda yangrab turadi.

Tashrif Vengriya Yevropa Ittifoqiga raislik qilganidan bir kun oʻtib, ittifoqning keyingi olti oylik kun tartibiga taʼsir koʻrsatgan. Uning matbuot kotibi Bertalan Xavasi Zelenskiy bilan muloqotning asosiy mavzusi tinchlik oʻrnatish imkoniyati boʻlishini aytdi. Zelenskiy Vengriya oʻz raisligi davrida umumiy Yevropa qadriyatlari va maqsadlarini ilgari surishiga umid bildirdi.

Maʼlumot uchun aytish mumkinki, Vengriya Ukrainaga chegaradosh boʻlishiga qaramay, Yevropa Ittifoqining aksariyat davlatlariga qaraganda kamroq ukrain qochqinlarni qabul qilgan.