Foto: Videodan kadr

Rossiyaning Sankt-Peterburg shahri Nevskiy tumanida sumka ichidan oʻzbekistonlik ayolning jasadi topildi. Bu haqda “78.ru” xabar berdi.

Maʼlumotlarga koʻra, jasad Olga Berggolts koʻchasidagi 19-uyning yertoʻlasidagi sumkadan topilgan. Jasadda zoʻravonlik alomatlari aniqlangan. Oʻldirilgan shaxs 31 yoshli Oʻzbekiston fuqarosi ekani maʼlum boʻlgan. Ayol noyabr oyi boshida Sankt-Peterburgga, 24 yoshli tanishinikiga pul topish maqsadida kelgan.

Aniqlanishicha, 9-dekabr kuni kechqurun Sedov koʻchasidagi 70 uyda joylashgan kvartirada yashayotgan erkak janjal paytida ayolni boʻgʻib oʻldirgan va uning jasadini katta sumkaga solib Olga Berggolts koʻchasida joylashgan 19 uyning podvaliga tuproq bilan koʻmib, voqea joyidan qochib ketgan.

Tergov maʼlumotlariga koʻra, qotil deb taxmin qilingan shaxs jinoyat sodir etilgan kunning ertasiga Sankt-Peterburgdan uchib ketgan va Oʻzbekistonga qaytgan.

Gumonlanuvchining oʻzi 9-dekabr kuni vatandoshini oʻldirgani haqida politsiyaga ariza bilan kelgan. Shuningdek, u jasadni yashirgan aniq manzilni ham koʻrsatgan. Voqea boʻyicha tergov ekspertizasi tayinlangan.