Россияда сумка ичидан ўзбекистонлик аёлнинг жасади топилди

Фото: видеодан кадр
Россиянинг Санкт-Петербург шаҳри Невский туманида сумка ичидан ўзбекистонлик аёлнинг жасади топилди. Бу ҳақда «78.ру» хабар берди.
Маълумотларга кўра, жасад Олга Бергголтс кўчасидаги 19 уйнинг ертўласидаги сумкадан топилган. Жасадда зўравонлик аломатлари аниқланган. Ўлдирилган шахс 31 ёшли Ўзбекистон фуқароси экани маълум бўлган. Аёл ноябрь ойи бошида Санкт-Петербургга, 24 ёшли танишиникига пул топиш мақсадида келган.
Аниқланишича, 9 декабрь куни кечқурун Седов кўчасидаги 70 уйда жойлашган квартирада яшаётган эркак жанжал пайтида аёлни бўғиб ўлдирган ва унинг жасадини катта сумкага солиб Олга Бергголтс кўчасида жойлашган 19 уйнинг подвалига тупроқ билан кўмиб, воқеа жойидан қочиб кетган.
Тергов маълумотларига кўра, қотил деб тахмин қилинган шахс жиноят содир этилган куннинг эртасига Санкт-Петербургдан учиб кетган ва Ўзбекистонга қайтган.
Гумонланувчининг ўзи 9 декабрь куни ватандошини ўлдиргани ҳақида полицияга ариза билан келган. Шунингдек, у жасадни яширган аниқ манзилни ҳам кўрсатган. Воқеа бўйича тергов экспертизаси тайинланган.
Тавсия этамиз
Кўп ўқилганлар
- “Юракка кўмилар асл шоирлар”
- Мирзо Бобур – буюк империя асосчиси
- Навоий вилоятида 2025 йил «Алишер Навоий йили» деб номланади
- Миллий гвардияга янги ваколат берилди
- Хотин-қизларнинг бандлигини таъминлаш ва тадбиркорликка жалб қилиш масалалари муҳокама қилинди
- Президент «Алишер Навоий ва Шарқ Ренессанси» IV халқаро симпозиуми иштирокчиларига табрик йўллади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг