Barqaror rivojlanish maqsadlariga erishish sohasidagi eng yaxshi universitetlar reytingi (QS Sustainability Rankings 2025) eʼlon qilindi.

Dunyoning ikki mingga yaqin universitetlarini qamrab olgan mazkur reytingda Oʻzbekiston Milliy universiteti 931-940-oʻrinni egallab, top-1000 talikdan joy oldi.

Maʼlumot oʻrnida, mazkur reytingdan Oʻzbekistonning 7 ta oliy taʼlim muassasasi, jumladan, “Toshkent irrigatsiya va qishloq xoʻjaligini mexanizatsiyalash muhandislari instituti” milliy tadqiqot universiteti 828-oʻrin, Toshkent davlat iqtisodiyot universiteti 1161-1180, Toshkent davlat texnika universiteti 1251-1300, Toshkent davlat transport universiteti 1401-1450, Toshkent axborot texnologiyalari universiteti 1501+, Urganch davlat universiteti 1051+ oʻrinlarni qayd etdi.

Dunyo miqyosida barqarorlikni taʼminlash dolzarb vazifa boʻlib bormoqda. Ushbu global tashabbuslarda Oʻzbekiston Milliy universiteti ham faol ishtirok etib, barqarorlikni rivojlantirishga oʻzining munosib hissasini qoʻshmoqda.

Quvonarlisi, OʻzMU 2024-yilda bir qator koʻrsatkichlar boʻyicha oʻz pozitsiyasini sezilarli darajada yaxshiladi.

Atrof-muhit barqarorligi (Environmental sustainability) koʻrsatkichi boʻyicha 279-oʻrinni egalladi (2023-yilda 428-oʻrin).

Boshqaruv (Governance) koʻrsatkichi boʻyicha 402-oʻrinni egalladi. Ekologik taʼlim (Environmental education) koʻrsatkichi boʻyicha 825-oʻringa koʻtarildi (2023-yilda 1001+).

Bilim almashinuvi (Knowledge exchange) koʻrsatkichi boʻyicha 952-oʻringa koʻtarilib, oʻz natijasini 100+ pogʻona yaxshiladi (2023-yilda 1001+).