Qirgʻizistonda kafelar va restoranlarda xizmat haqi bekor qilinadi

10:10 16 Oktyabr 2025 Dunyo
203 0

Kelasi yildan boshlab Qirgʻizistondagi umumiy ovqatlanish maskanlariga xizmat haqi undirish taqiqlanadi, deb xabar bermoqda Interfaks.

Hukumat qaroriga koʻra, 2026-yil 1-yanvardan boshlab kafelar va restoranlar mijozlardan taomlarni olib kelish, dasturxon tuzash yoki boshqa xizmatlar uchun alohida haq ololmaydi. Barcha xizmatlar buyurtma rasmiylashtirilishidan oldin menyu yoki praysda koʻrsatilgan narxga kiritilishi shart.

Yangi tartibga koʻra, mijoz toʻlashi kerak boʻlgan yakuniy summa menyuda koʻrsatilgan narxdan farq qilmasligi lozim. Umumiy ovqatlanish korxonalariga menyu, prays-list, kassaviy va dasturiy tizimlarini ushbu talabga moslashtirish, shuningdek, xizmat uchun olinadigan har qanday foizni bekor qilish tavsiya etilgan.

Maʼlumki, hozirda Qirgʻizistondagi koʻplab kafelar va restoranlarda buyurtma summasining 5–15 foizi miqdorida xizmat haqi olinadi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?