Prezident Maktabi Barqaror rivojlanish boʻyicha BAA prezidenti nomidagi mukofotni qoʻlga kiritdi

13:14 14 Yanvar 2025 Siyosat
154 0

Toshkent shahridagi Prezident maktabi “Shayx Zoid Ol Nahayon” nomidagi nufuzli mukofotning “Global oʻrta maktablar” nominatsiyasida gʻolib deb topildi.

Mukofot barqaror rivojlanish maqsadlariga erishishda maktablarning innovatsion va samarali yechimlarini tan olish maqsadida taʼsis etilgan.

Mukofotni Birlashgan Arab Amirliklari Prezidenti Shayx Muhammad bin Zoid Ol Nahayon shaxsan topshirdi. Abu-Dabida boʻlib oʻtgan taqdirlash marosimida Prezidentimiz Shavkat Mirziyoyev ham ishtirok etdi.

Davlatimiz rahbari gʻolib maktab vakillari bilan uchrashib, ularni yuksak eʼtirof va gʻalaba bilan samimiy tabrikladi.

Ushbu mukofot Prezident maktabi oʻquvchilari va oʻqituvchilarining barqaror rivojlanish yoʻlidagi saʼy-harakatlari xalqaro miqyosda tan olinganligini yana bir bor tasdiqlaydi.

Bu yutuq Oʻzbekiston taʼlim tizimining xalqaro maydondagi obroʻsini yanada yuksaltiruvchi muhim voqea hisoblanadi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?