Para taekvondo: hamyurtlarimiz Gran-pri turnirida 4 ta medalni qoʻlga kiritishdi
Kecha Bolgariya poytaxti Sofiya shahri mezbonlik qilgan para taekvondo boʻyicha Parij-2024 yozgi Paralimpiya oʻyinlariga muhim reyting ochkolarini beruvchi xalqaro Gran-pri turniri yakunlandi.
Eʼtiborlisi, dunyoning eng kuchli para taekvondochilari ishtirok etgan ushbu nufuzli musobaqa vakillarimiz uchun muvaffaqiyatli oʻtdi. 5 nafar sportchi bilan bahslarda qatnashgan delegatsiyamiz yakunda 4 ta medalga sazovor boʻldi.
Jumladan, Tokio-2020 yozgi Paralimpiya oʻyinlari chempioni Guljanoy Naimova (+65 kg) doimgidek gʻoliblikni hech kimga bermadi, erkaklar oʻrtasida Sanjar Muxtorov (-58 kg) hamda Asadbek Toshtemirov (-80 kg), ayollar oʻrtasida esa Ziyoda Isoqova (-47 kg) bronza medalini qoʻlga kiritdi.
Shu tariqa, Oʻzbekiston terma jamoasi sayyoramizning 30 ga yaqin davlatidan 200 nafarga yaqin sportchi qatnashgan nufuzli musobaqada 1 ta oltin va 3 ta bronza medali bilan umumjamoa hisobida 2-oʻrinni qoʻlga kiritdi.
Tavsiya etamiz
Ko‘p o‘qilganlar
- “Loʻlilar faqat tilanchimi?...” Ular yashayotgan mahalladan fotoreportaj
- Hokimlik Toshkentni “yuva boshladi“. Xoʻsh, suv sepish havo ifloslanishini kamaytiradimi?
- Yangilanayotgan Markaziy Osiyo: birlik, doʻstlik va hamkorlikning yangi bosqichi
- “Adabiyot va hayot”: Sultonboy Dehqonovning shaxsiy fotokoʻrgazmasi ochildi (+fotoreportaj)
- Nogironligi boʻlgan fuqarolarga 30 mln soʻmgacha foizsiz ssuda ajratiladi
- Kambagʻallikni qisqartirish: pul emas, aql-idrok va bilim muhim
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring