Foto: Milliy paralimpiya qo'mitasi

Yaponiyaning Kobe shahrida boʻlib oʻtgan para yengil atletika boʻyicha jahon chempionatida Oʻzbekiston sharafini himoya qilgan sportchilar tarixiy natija qayd etdi.

Dunyoning 103 ta mamlakatidan mingdan ortiq para atlet ishtirok etgan musobaqada Oʻzbekiston terma jamoasi 7 ta oltin, 4 ta kumush va 2 ta bronza, jami 13 ta medal jamgʻarib, umumjamoa hisobida 3-oʻrinni egalladi.

Oltin:

• Qudratullaxon Maʼrufxoʻjayev – yadro uloqtirish;
• Qudratullaxon Maʼrufxoʻjayev – disk uloqtirish;
• Husniddin Norbekov – yadro uloqtirish;
• Nurxon Qurbonova – nayza uloqtirish;
• Asila Mirzayorova – uzunlikka sakrash;
• Yoqutxon Xolbekova – uzunlikka sakrash;
• Safiya Burxanova – yadro uloqtirish.

Kumush:

• Boburjon Omonov – yadro uloqtirish;
• Dilafruz Ahmadxonova – yadro uloqtirish;
• Kubaro Hakimova – yadro uloqtirish;
• Mohigul Hamdamova – disk uloqtirish.

Bronza:

• Maʼrufjon Murodulloyev – 400 metrga yugurish;
• Nurxon Qurbonova – yadro uloqtirish.

Taʼkidlash kerakki, bu Oʻzbekiston Paralimpiyasi tarixida birinchi bor sodir boʻlmoqda. Taqqoslash uchun, terma jamoamiz bundan avvalgi 2 ta jahon chempionatida 10 va 9-oʻrinlarni egallagan edi.

Bundan tashqari, Nurxon Qurbonova hamda Asila Mirzayorova oʻz yoʻnalishlarida jahon rekordlarini yangilashga muvaffaq boʻldi.