Oʻzbekistonga Yevropa komissiyasi vitse-prezidenti tashrif buyuradi
Yevropa Ittifoqining tashqi ishlar va xavfsizlik siyosati boʻyicha oliy vakili, Yevropa komissiyasi vitse-prezidenti Kaya Kallas 27-mart kuni Ashxobodda boʻlib oʻtadigan “Yevropa Ittifoqi – Markaziy Osiyo” 20-vazirlar yigʻilishida ishtirok etganidan soʻng Toshkentga tashrif buyuradi. Bu haqda Yevropa Ittifoqining Oʻzbekistondagi delegatsiyasi rasmiy saytida maʼlum qilindi.
Ashxoboddagi yigʻilishda 2025-yil 3-4-aprel kunlari Samarqandda boʻlib oʻtadigan tarixda ilk bor “Yevropa Ittifoqi – Markaziy Osiyo” sammitiga tayyorgarlik, mintaqaviy xavfsizlik, transport va raqamli aloqa, energetika, savdo va taʼlim masalalari muhokama qilinadi.
Uchrashuvdan soʻng Kaya Kallas Toshkentga keladi va u yerda Oʻzbekiston Tashqi ishlar vaziri Baxtiyor Saidov hamda prezident Shavkat Mirziyoyev bilan muzokaralar oʻtkazadi. Oʻzbekiston va Yevropa Ittifoqi oʻrtasidagi ikki tomonlama hamkorlik, jumladan, iqtisodiy sheriklik, infratuzilmani rivojlantirish va energetika sohasidagi hamkorlik masalalari muhokama qilinishi kutilmoqda.
Tavsiya etamiz
Ko‘p o‘qilganlar
- Doʻstlik va hamkorlikni kengaytirgan forum (+fotoreportaj)
- Oʻzbekiston yoki Misr. Qaysi terma jamoa kuchli?
- Yangilanayotgan Markaziy Osiyo: birlik, doʻstlik va hamkorlikning yangi bosqichi
- Nogironligi boʻlgan fuqarolarga 30 mln soʻmgacha foizsiz ssuda ajratiladi
- “Loʻlilar faqat tilanchimi?...” Ular yashayotgan mahalladan fotoreportaj
- Hokimlik Toshkentni “yuva boshladi“. Xoʻsh, suv sepish havo ifloslanishini kamaytiradimi?
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring