Oʻzbekistonda yashayapman, oʻzbekcha gapiryapman — Ortiqxoʻjayev ruscha gapirishini soʻragan fuqaroga javob qaytardi

16:05 13 Fevral 2021 Jamiyat
14290 0

Avvalroq, “Moviy gumbazlar” restorani yaqinidagi xiyobonda Toshkent shahar hokimi Jahongir Ortiqxoʻjayevning jamoatchilik vakillari bilan Oʻzbekiston Mustaqilligining 30 yilligiga bagʻishlab “Istiqlol” majmuasini barpo etish masalasiga oid uchrashuvi haqida xabar bergan edik.

Unda hokim STELLA haqida maʼlumot berib, xiyobonda bironta ham daraxt kesilmasligi hamda piyodalar, velosipedlar yoʻlaklari qurilishini aytar ekan, yigʻilganlar orasidan kimdir baland ovozda ruscha gapirishini soʻradi.

“Oʻzbekcha gapiryapman, Oʻzbekistonda yashayapman, oʻzbekcha gapiryapman. Xohlasangiz «perevodchik” oling yoningizga», deb javob qaytardi u.

«Bu yerda men yana qaytarib aytaman, tushunishni xohlayotganlar bor, xohlamayotganlar bor. Men koʻrib turibman, umuman hech narsadan rozi boʻlmayapti. Qayerdan nima qilyapti, nima boʻlyapti? Oʻzi umrida kelganmi bu parkka? 

Bu parkni meni ham saqlab qolish niyatim bor. Tushuntira oldimmi? Bu parkni 10 yil 5 yil uchun emas, 100-yillab saqlab qolish niyatim bor. Bu yerga hech kim tegolmasligini xohlayman. Tegolmasligi uchun bu yerga imzo qoʻyib ketish kerak», dedi hokim.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?