Foto: O‘FA

Futbol bo'yicha milliy terma jamoalar reytingi yangilandi. Bu haqida FIFA o'zining rasmiy saytida xabar berdi. 

Unga ko'ra, Timur Kapadze boshchiligidagi O'zbekiston milliy terma jamoasi reytingda 1 pog'ona yuqorilagan holda 54-o'ringa ko'tarilib oldi.Shuningdek, O'zbekiston milliy terma jamoasi Osiyo mamlakatlari orasida 6-o'rinni band etgan. 

Ispaniya 11 yillik tanaffusdan so'ng reyting peshqadamligiga qaytdi. Argentina JCh–2026 saralash bosqichida Ekvadorga 0:1 hisobida mag'lub bo'lgach, yetakchilikni boy berdi va uchinchi o'ringa tushib ketdi. Shu tariqa, jahon reytingining birinchi beshligi quyidagicha ko'rinish oldi:

1. Ispaniya;

2. Fransiya;

3. Argentina;

4. Angliya;

5. Portugaliya.

Osiyoda FIFAning yangi reytingida yetakchilar quyidagicha shakllandi:

1. YAponiya;

2. Eron;

3. Janubiy Koreya;

4. Avstraliya;

5. Qatar;

6. O'zbekiston.

Bu natijalar qit'a terma jamoalarining so'nggi xalqaro uchrashuvlardagi barqaror o'yinlari va saralash bosqichlarida qo'lga kiritgan yutuqlari bilan izohlanmoqda.

Eslatib o'tamiz, O'zbekiston milliy terma jamoasi avgust-sentabr oylari oralig'ida bo'lib o'tgan «CAFA National Cup» turniri g'olibiga aylangan edi.