Фото: ЎФА

Футбол бўйича миллий терма жамоалар рейтинги янгиланди. Бу ҳақида ФИФА ўзининг расмий сайтида хабар берди. 

Унга кўра, Тимур Кападзе бошчилигидаги Ўзбекистон миллий терма жамоаси рейтингда 1 поғона юқорилаган ҳолда 54-ўринга кўтарилиб олди. Шунингдек, Ўзбекистон миллий терма жамоаси Осиё мамлакатлари орасида 6-ўринни банд этган. 

Испания 11 йиллик танаффусдан сўнг рейтинг пешқадамлигига қайтди. Аргентина ЖЧ–2026 саралаш босқичида Эквадорга 0:1 ҳисобида мағлуб бўлгач, етакчиликни бой берди ва учинчи ўринга тушиб кетди. Шу тариқа, жаҳон рейтингининг биринчи бешлиги қуйидагича кўриниш олди:

1. Испания;

2. Франция;

3. Аргентина;

4. Англия;

5. Португалия.

Осиёда ФИФАнинг янги рейтингида етакчилар қуйидагича шаклланди:

1. Япония;

2. Эрон;

3. Жанубий Корея;

4. Австралия;

5. Қатар;

6. Ўзбекистон.

Бу натижалар қитъа терма жамоаларининг сўнгги халқаро учрашувлардаги барқарор ўйинлари ва саралаш босқичларида қўлга киритган ютуқлари билан изоҳланмоқда.

Эслатиб ўтамиз, Ўзбекистон миллий терма жамоаси август-сентябрь ойлари оралиғида бўлиб ўтган «CAFA National Cup» турнири ғолибига айланган эди.