Joriy yilning 8-13-may kunlari Turkiyaning Antaliya shahrida 40-Bolqon Matematika olimpiadasi oʻtkaziladi. Xalqaro olimpiadada Albaniya, Aljir, Ozarbayjon, Bosniya va Gersogoviniya, Chernogoriya, Buyuk Britaniya, Bolgariya, Kipr, Fransiya, Gruziya, Gretsiya, Italiya, Qozogʻiston, Qirgʻiziston, Oʻzbekiston, Moldova, Shimoliy Makedoniya, Saudiya Arabistoni, Serbiya, Turkmaniston, Turkiya mamlakatlaridan jami 132 nafar iqtidorli yoshlar ishtirok etadi.

Oʻzbekiston terma jamoasi mazkur xalqaro olimpiadada birinchi marta ishtirok etmoqda. Olimpiada bir bosqichda tashkil qilinib, Ishtirokchilarga xalqaro olimpiadalar metodologiyasi asosida yaratilgan kombinatorika, sonlar nazariyasi, geometriya va algebra yoʻnalishlarida 4 ta masala taqdim qilinadi. Topshiriqlarni bajarish uchun 4,5 soat vaqt ajratiladi, har bir masala 10 balldan baholanadi.

Terma jamoamiz aʼzolari bilan tanishing:

Raxmatov Anvarbek -Buxoro viloyati, Qorakoʻl tumani, PTMA IM 11-sinf oʻquvchisi;

— Axtamov Ozodbek -Toshkent shahar, Al-Xorazmiy maktabi 9-sinf oʻquvchisi;

— Sadulloyev Anvarbek -Buxoro viloyati, Peshku tumani, 18 -maktab, 11-sinf oʻquvchisi;

— Xalilov Suxrob - Navoiy shahar, 1-son PTMA IM 11-sinf oʻquvchisi;

— Maksudov Behzod -Xorazm viloyati, Urganch shahar, 6-IMI 11-sinf oʻquvchisi;

— Gʻafforov Rasulbek-Toshkent shahar, Yakkasaroy tumani, 144-maktab 8-sinf oʻquvchisi.