Ayni vaqtda Jamoliddin Rahmatullayev boshchiligidagi Oʻzbekiston U-18 terma jamoasi Armaniston poytaxti Yerevan shahrida yigʻin oʻtkazmoqda. Yigʻin doirasida ushbu mamlakatning U-18 terma jamoasiga qarshi 2 ta oʻrtoqlik oʻyini oʻtkazilishi belgilangan edi. Bugun, 5-sentyabr kuni dastlabki oʻrtoqlik uchrashuvi boʻlib oʻtdi.

Ushbu bahsda Oʻzbekiston yoshlari armanistonlik tengdoshlarini 1:2 hisobida magʻlub etdi. Jamoliddin Rahmatullayev mazkur oʻyin uchun quyidagi futbolchilarni asosiy tarkibda maydonga tushirdi:

Bogʻdan Odinayev, Saddam Ahmadov, Ozod Odiljonov, Behruz Karimov, Azizbek Toʻlqunbekov, Quvonchbek Abrayev, Davron Toʻlaganov, Ulugʻbek Maratov, Jasurbek Jumaboyev, Muhammadali Dilshodbekov, Abdulfayz Bobomurodov.

Oʻyinda gollar “Olimpik-Mobiuz” futbolchisi Ulugʻbek Maratov va “Lokomotiv” aʼzosi Quvonch Abrayevning hisobiga yozildi. 58-daqiqada Davron Toʻlaganov penaltidan foydalana olmadi. Shu tariqa oʻyin 1:2 hisobi bilan yakunlandi.

Eslatib oʻtamiz, ushbu jamoalar oʻrtasidagi keyingi oʻrtoqlik oʻyin 8-sentyabr kuni boʻlib oʻtadi.