Oʻzbekiston terma jamoasi “Al Ain Cup” musobaqasi finaliga yoʻl oldi
Bugun, 14-noyabr kuni Birlashgan Arab Amirliklarida oʻtayotgan “Al Ain Cup” musobaqasining ikkinchi yarim final uchrashuvi boʻlib oʻtdi. Unda Oʻzbekiston milliy terma jamoasi Misr terma jamoasi bilan bahs olib bordi.
Uchrashuv “oq boʻrilar”ning 2:0 hisobidagi ishonchli gʻalabasi bilan yakunlandi. Hisob oʻyin boshidan koʻp oʻtmay, toʻrtinchi daqiqada ochildi. “Persepolis” klubi aʼzosi Oston Oʻrunov raqibning olti nafar himoyachisi qurshovida boʻlishiga qaramay, darvozani aniq nishonga oldi.
Ikkinchi boʻlimning soʻnggi daqiqalarida Oʻrunov dublni rasmiylashtirdi. Bu safar u Otabek Shukurovning nozik va aniqligi bilan ajralib turgan uzatmasidan keyin oʻz nomini ikkinchi bor tabloya yozdirishga muvaffaq boʻldi.
Shu tariqa Oʻzbekiston terma jamoasi 2:0 hisobida zafar quchdi.
Maʼlumot oʻrnida, “Al Ain Cup” turnirining final uchrashuvi 18-noyabr kuni boʻlib oʻtadi. Hal qiluvchi bahsda Oʻzbekiston milliy terma jamoasi Eron terma jamoasiga qarshi maydonga tushadi.
Tavsiya etamiz
Ko‘p o‘qilganlar
- Oʻzbekiston milliy terma jamoasi uchun Jahon chempionati qurʼasi omadli oʻtdimi?
- “Matonatli Maryam” filmi keng jamoatchilikka taqdim etildi
- Ўзбекистон терма жамосининг Жаҳон чемпионатидаги ўйин саналари эълон қилинди
- AQSH Yevropadan NATO majburiyatlarining asosiy qismini oʻz zimmasiga olishni talab qildi
- FIDE jahon kubogi chempioni Javohir Sindarovni kutib olish marosimi boʻlib oʻtdi (+fotoreportaj)
- Reuters: Asadning Moskvadagi tarafdorlari Suriyada qoʻzgʻolon rejalashtirmoqda
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring