Oʻzbekiston xalq shoiri Abdulla Oripov haqida badiiy film suratga olinadi

14:12 18 Iyul 2022 Madaniyat
572 0

Kinematografiya agentligi buyurtmasiga binoan “Hujjatli va xronikal filmlar kinostudiyasi” DUK tomonidan “Abdulla Oripov” toʻliq metrajli badiiy filmi suratga olinadi.

Shoir va jamoat arbobi haqida toʻliq metrajli badiiy film yaratish gʻoyasi Oʻzbekiston Respublikasi Prezidenti Shavkat Mirziyoyev tomonidan ilgari surilgan boʻlib, hozirda kinokartinaga tayyorgarlik jarayonlari boshlangan. Film ssenariy muallifi Furqat Usmonov, postanovkachi rejissyor Muzaffar Erkinov.

Ijodiy jamoa dastlab Qashqadaryo viloyatining Koson tumani, Nekoʻz qishlogʻiga tashrif buyurib, shoirning tahsil olgan maktabi, tugʻilib oʻsgan qishlogʻi bilan tanishib chiqishdi.

Maʼlumot uchun, avvalroq Agentlik va Toshkent irrigatsiya va qishloq xoʻjaligini mexanizatsiyalash muhandislari instituti buyurtmasi bilan “SPECTRE” studiyasi tomonidan “Abdulla Oripov” hujjatli filmi suratga olingan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?