Oʻzbekiston delegatsiyasi Oʻzbekiston va Belarus ayollarning biznes-forumida ishtirok etadi
Joriy yilning 4 — 7-sentyabr kunlari Oliy Majlis Senati Raisi Tanzila Norboyeva boshchiligidagi Oʻzbekiston delegatsiyasi rasmiy tashrif bilan Belarus Respublikasiga boradi.
Tashrif mobaynida Oʻzbekiston – Belarus biznes doiralari va tadbirkor ayollar birinchi biznes-forumi boʻlib oʻtadi.
Forum doirasida “Tadbirkorlikdagi ayollar – Belarus va Oʻzbekiston oʻrtasidagi ishbilarmonlik hamkorligini rivojlantirish salohiyati” mavzusida yalpi majlis, koʻrgazmalar va oltita tematik seksiya yigʻilishlari tashkil etilishi rejalashtirilgan.
Tadbirlarda Oʻzbekiston tomonidan sanoat korxonalari, qishloq va fermer xoʻjaliklari, oziq-ovqat, farmatsevtika sanoati, madaniy-gumanitar, shuningdek, turizm va transport kompaniyalari vakillari ishtirok etadilar.
Forum yakunida bir qator muhim hujjatlar, shu jumladan tijoriy kelishuv va shartnomalar imzolanishi koʻzda tutilgan.
Eslatib oʻtamiz, 2022-yilning 29-iyun – 2-iyul kunlari Oliy Majlis Senati Raisi Tanzila Norboyeva boshchiligida Oʻzbekiston tadbirkor ayollari delegatsiyasi rasmiy tashrif bilan Ozarbayjon Respublikasida boʻlib, Oʻzbekiston va Ozarbayjon tadbirkor ayollarining birinchi biznes-forumi oʻtkazilgan edi. Uning natijalariga koʻra, 54 mln dollardan ortiq miqdorda shartnoma va memorandumlar imzolangan.
Tavsiya etamiz
Ko‘p o‘qilganlar
- Oʻrta Osiyodagi eng baland yangi yil archasi — Namanganda
- Oʻzbekistonda YTT va oʻzini oʻzi band qilgan shaxslar QR-kodsiz faoliyat yuritsa jarimaga tortiladi
- Yaldo tuni: Yerliklar bugun eng uzun tun va eng qisqa kunga guvoh boʻladi
- Hokim yordamchisi kimga yordamchi?
- Muhammad Rizo Ogahiy nomidagi xalqaro mukofot sovrindorlari maʼlum boʻldi
- “Lavozimim, unvonim bor, menga hech kim tegmaydi”, deganlar adashadi. Qonun oldida hamma teng!»
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring