Oʻzbekiston boks terma jamoasi Braziliyada boʻlib oʻtadigan Jahon kubogi musobaqasida ishtirok etadi. 28-martdan 7-aprelgacha Braziliyaning Fos-du-Iguasu shahrida “World Boxing” tashkiloti homiyligida oʻtkaziladigan ushbu nufuzli turnirda yurtimiz bokschilari toʻliq tarkibda qatnashadilar. Termamiz ertaga tongda bosh murabbiy Toʻlqin Qilichev boshchiligida dengiz ortiga yoʻl oladi.

Jamoamiz aʼzolari quyidagi vazn toifalarida musobaqada qatnashishadi:

-50 kg vaznda Asilbek Jalilov;

-55 kgda Mirazizbek Mirzahalilov;

-60 kgda Madiyar Daniyarov;

-65 kgda Asadxoʻja Moʻydinxoʻjayev;

-70 kgda Iqboljon Xoldorov;

-75 kgda Fazliddin Erkinboyev;

-80 kgda Javohir Ummataliyev;

-85 kgda Akmaljon Isroilov;

-90 kgda Toʻrabek Xabibullayev;

+90 kgda Jahongir Zokirov.

Termamizni musobaqaga tayyorlash va unda muvaffaqiyatli ishtirokini taʼminlash maqsadida tajribali murabbiylar — Toʻlqin Qilichev, Rahmatjon Roʻziohunov, Akmal Hasanov, Davron Gafurov, Nodir Gʻulomov, Lazizbek Zokirov va Botirjon Mahmudovlar ish olib borishadi. Jamoa rahbari sifatida Shohid Tillaboyev, shifokor sifatida Komiljon Rasulov hamda matbuot kotibi sifatida Jaloliddin Yusupov ham yuborilmoqda.

Shuningdek, mazkur xalqaro musobaqada yurtimizdan ikki nafar hakam — Marif Urdushev va Bekjon Yusupovlar ham adolat mezonini taʼminlash maqsadida hakamlik qilishadi. Ushbu Jahon kubogi musobaqasida terma jamoamizdan yuqori natijalar kutilmoqda.