AOKAda Mudofaa vazirligi rahbariyati va mutasaddilari ishtirokida oʻtkazilgan matbuot anjumanida ushbu savol yuzasidan batafsil maʼlumot berildi.

Mudofaa vazirligi tasarrufida Qurolli Kuchlar akademiyasi, Chirchiq oliy tank qoʻmondonlik-muhandislik bilim yurti, OʻR oliy harbiy aviatsiya bilim yurti, OʻR MV Axborot-kommunikatsiya texnologiyalari va aloqa harbiy instituti, OʻR QK Harbiy tibbiyot akademiyasi, OʻR QK Kichik mutaxassislarni tayyorlash markazi, OʻR MV “Temurbeklar maktabi” harbiy-akademik litseyi mavjud.

Shuningdek, Qurolli Kuchlar ehtiyojlari uchun safarbarlik rezervlarini shakllantirish va ulardan foydalanish jarayonini optimallashtirish hamda rezerv va zaxira ofitserlarni tegishli harbiy-hisob ixtisosliklari boʻyicha sifatli tayyorlash uchun Mudofaa vazirligi tasarrufida 4 ta, jumladan, Mirzo Ulugʻbek nomidagi Oʻzbekiston Milliy universitetining harbiy tayyorgarlik oʻquv markazi, Nizomiy nomidagi Toshkent davlat pedagogika universiteti harbiy taʼlim fakulteti, Buxoro davlat universiteti harbiy taʼlim fakulteti, Fargʻona davlat universiteti harbiy taʼlim fakulteti kabi harbiy tayyorgarlik oʻquv boʻlinmalari faoliyat yuritmoqda.

Mudofaa vazirligi oliy harbiy taʼlim muassasalariga dastlabki saralab olish tadbirlari ikki bosqichda oʻtkaziladi.