Ogʻir atletikachilarimiz "Tokio — 2020" Olimpiadasiga toʻliq tarkibda yoʻllanma olishdi

21:32 13 Iyun 2021 Sport
533 0

Maʼlumki, poytaxtimizda oʻtgan yoshlar oʻrtasidagi jahon chempionatidan soʻng ogʻir atletika boʻyicha Tokio-2020 reyting ochkolarini jamgʻarish davri yakunlangan. Xalqaro ogʻir atletika federatsiyasi (IWF) reyting orqali Olimpiada yoʻllanmasini qoʻlga kiritgan sportchilar nomini eʼlon qildi.

Oʻzbekiston terma jamoasi uchun Tokio-2020 Olimpiadasiga 2+2 koʻrinishida 4 ta yoʻllanma berilgan edi. Quvonarlisi, jamoamiz berilgan imkoniyatdan maksimal darajada foydalana oldi. IWF reytingi orqali yigitlarimizdan Adhamjon Ergashev (-67 kg) va Akbar Joʻrayev (-109 kg), qizlarimizdan Muattar Nabiyeva (-55 kg) va Kumushxon Fayzullayeva (-76 kg) Tokio-2020 yoʻllanmalariga sazovor boʻlishdi. Bu haqda MOQ axborot xizmati xabar berdi.

Reyting orqali yoʻllanma olgan barcha atletlar bilan tanishish uchun ushbu havolaga oʻting: Tokyo-2020_Absolute-Ranking-Lists

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?