Оғир атлетикачиларимиз "Токио — 2020" Олимпиадасига тўлиқ таркибда йўлланма олишди

21:32 13 Июнь 2021 Спорт
557 0

Маълумки, пойтахтимизда ўтган ёшлар ўртасидаги жаҳон чемпионатидан сўнг оғир атлетика бўйича Токио-2020 рейтинг очколарини жамғариш даври якунланган. Халқаро оғир атлетика федерацияси (IWF) рейтинг орқали Олимпиада йўлланмасини қўлга киритган спортчилар номини эълон қилди.

Ўзбекистон терма жамоаси учун Токио-2020 Олимпиадасига 2+2 кўринишида 4 та йўлланма берилган эди. Қувонарлиси, жамоамиз берилган имкониятдан максимал даражада фойдалана олди. IWF рейтинги орқали йигитларимиздан Адҳамжон Эргашев (-67 кг) ва Акбар Жўраев (-109 кг), қизларимиздан Муаттар Набиева (-55 кг) ва Кумушхон Файзуллаева (-76 кг) Токио-2020 йўлланмаларига сазовор бўлишди. Бу ҳақда МОҚ ахборот хизмати хабар берди.

Рейтинг орқали йўлланма олган барча атлетлар билан танишиш учун ушбу ҳаволага ўтинг: Tokyo-2020_Absolute-Ranking-Lists

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?